୧. ପ୍ରତ୍ୟେକ ପ୍ରଶ୍ନର ଉତ୍ତର ୬୦ ଗୋଟି ଶବ୍ଦ ମଧ୍ଯରେ ଲେଖ:
(କ) ରୁଷ୍ ବିପ୍ଳବ ପୂର୍ବରୁ
ରୁଷିଆର ଜାର୍ମାନଙ୍କ ସ୍ୱେଚ୍ଛାୟରୀ ଶାସନର ଏକ ବିବରଣୀ ଦିଅ ।
ଉତ୍ତର: ରୁଷିଆରେ ଶାସନର ସମସ୍ତ କ୍ଷମତା
ଜାର୍ (ସମ୍ରାଟ)ଙ୍କ ହାତରେ କେନ୍ଦ୍ରୀଭୂତ ହୋଇଥିଲା ଏବଂ ସେ ସ୍ବେଚ୍ଛାଚାରୀ ଶାସନ କରୁଥିଲେ ।
ଜାର୍ ନିଜେ ସମସ୍ତ ନିଯୁକ୍ତି କରୁଥିଲେ, ସେନାର ମୁଖ୍ୟ ସେନାପତି ଥିଲେ ଏବଂ ଚର୍ଚ୍ଚର ମଧ୍ୟ ମୁଖ୍ୟ ଥିଲେ । ସେ ବିନା ବିଚାରରେ ଯେ
କୌଣସି ବ୍ୟକ୍ତିକୁ ମୃତ୍ୟୁଦଣ୍ଡ ଦେଇପାରୁଥିଲେ ବା ସାଇବେରିଆକୁ ନିର୍ବାସନ କରିପାରୁଥିଲେ ।
ରୁଷ୍ ବିପ୍ଳବ ପୂର୍ବରୁ ପ୍ରାୟ ଶହେ ବର୍ଷରୁ ଊର୍ଦ୍ଧ୍ବ ସମୟ ରୋମାନୋଭ ବଂଶର ଜାର୍ମାନେ
ଦମନମୂଳକ ଓ ଏକଛତ୍ରବାଦୀ ଶାସନକୁ ଚରମ ସୀମାରେ ପହଞ୍ଚାଇ ଲୋକଙ୍କ ମଧ୍ୟରେ ଅସନ୍ତୋଷ ବୃଦ୍ଧି
କରିଥିଲେ ।
(ଖ) ରୁଷ୍ ବିପ୍ଳବର ଅବ୍ୟବହିତ
ପୂର୍ବରୁ ରୁଷିଆର ସାମାଜିକ ଅବସ୍ଥା କିପରି ଥିଲା ?
ଉତ୍ତର: ରୁଷିଆର ସମାଜ ମୁଖ୍ୟତଃ ଦୁଇଟି
ଶ୍ରେଣୀରେ ବିଭକ୍ତ ହୋଇଥିଲା: “ଥିଲାବାଲା” (ଧନୀକ ଓ ସଂଭ୍ରାନ୍ତ) ଏବଂ “ନ ଥିଲାବାଲା” (କୃଷକ ଓ
ଶ୍ରମିକ) । ଧନୀକ ଶ୍ରେଣୀ ସମସ୍ତ ସୁବିଧା ଓ କ୍ଷମତା ଉପଭୋଗ କରୁଥିବା ବେଳେ ଶ୍ରମିକମାନେ ଅତି
ଅସ୍ୱାସ୍ଥ୍ୟକର ପରିବେଶରେ ରହୁଥିଲେ । ଦାରିଦ୍ର୍ୟ, କ୍ଷୁଧା ଓ ‘ଭୋଦ୍କା’ ନିଶାଦ୍ରବ୍ୟ ସେବନ ଫଳରେ ଅନେକ ରୋଗାକ୍ରାନ୍ତ ହୋଇ ମୃତ୍ୟୁ ବରଣ
କରୁଥିଲେ । ଏହି ସାମାଜିକ ବୈଷମ୍ୟ ସମାଜରେ ଘୋର ଶ୍ରେଣୀ ସଂଘର୍ଷ ସୃଷ୍ଟି କରିଥିଲା ।
(ଗ) ରୁଷ୍ ବିପ୍ଳବ ପାଇଁ
ଚିନ୍ତାଶୀଳ ବ୍ୟକ୍ତିମାନଙ୍କ ରଚନା କିପରି ଇନ୍ଧନ ଯୋଗାଇଥିଲା ?
ଉତ୍ତର: ପାଶ୍ଚାତ୍ୟର ଉଦାର ଚିନ୍ତାଧାରା
ଓ ସାହିତ୍ୟ ଶିକ୍ଷିତ ମଧ୍ୟବିତ୍ତ ଶ୍ରେଣୀକୁ ଗଭୀରଭାବେ ପ୍ରଭାବିତ କରିଥିଲା । ଲିଓ ଟଲଷ୍ଟୟ, ଦସ୍ତୋଭେସ୍କି, ଏବଂ ମାକ୍ସିମ୍ ଗୋର୍କୀଙ୍କ
ରଚନା ରୁଷ୍ବାସୀଙ୍କୁ ଜାଗ୍ରତ କରିଥିଲା । ସବୁଠାରୁ ବେଶୀ ପ୍ରଭାବ କାର୍ଲ ମାର୍ଚ୍ଚ ଏବଂ
ଫ୍ରେଡ଼େରିକ୍ ଏଞ୍ଜେଲ୍ସଙ୍କ ଦ୍ବାରା ରଚିତ “କମ୍ୟୁନିଷ୍ଟ ମାନିଫେଷ୍ଟୋ” ଏବଂ ମାର୍ଚ୍ଚଙ୍କ
“ଦାସ୍ କ୍ୟାପିଟାଲ୍” ପକାଇଥିଲା । ଏହା ସର୍ବହରା ଓ ଶ୍ରମିକମାନଙ୍କୁ ପୁଞ୍ଜିପତି ଓ
ସଂଭ୍ରାନ୍ତମାନଙ୍କ ଶୋଷଣ ବିରୋଧରେ ବିପ୍ଳବ କରିବାକୁ ପ୍ରେରଣା ଯୋଗାଇଥିଲା ।
(ଘ) ଫେବ୍ରୁଆରୀ ବିପ୍ଳବ
ପରବର୍ତ୍ତୀ କାମଚଳା ସରକାର ତାଙ୍କ ଉଦାରନୀତି ସତ୍ତ୍ବେ କାହିଁକି ବେଶିଦିନ ତିଷ୍ଠି ପାରିଲା
ନାହିଁ ?
ଉତ୍ତର: କାମଚଳା ସରକାର ଦେଶବାସୀଙ୍କ ପ୍ରବଳ ବିରୋଧ ଓ ଆର୍ଥିକ ଦୁରବସ୍ଥା ସତ୍ତ୍ବେ ପ୍ରଥମ
ବିଶ୍ୱଯୁଦ୍ଧ ଚାଲୁ ରଖିବାକୁ ଚାହିଁଥିଲେ, ଯାହା ଅସନ୍ତୋଷ ସୃଷ୍ଟି କରିଥିଲା । ଶ୍ରମିକ ଓ ସୈନ୍ୟମାନଙ୍କ ସଂଗଠନ “ସୋଭିଏତ୍” ସହିତ
ସରକାରଙ୍କର ଆଦର୍ଶଗତ ବିବାଦ ଏବଂ ଅନୁପଯୁକ୍ତ କାର୍ଯ୍ୟଶୈଳୀ ହେତୁ ସର୍ବଦା ବିବାଦ ଦେଖାଦେଲା ।
ଏହାଛଡ଼ା, ଜମିକୁ କୃଷକମାନଙ୍କ ମଧ୍ୟରେ
ବାଣ୍ଟିବା ଓ ଶିଳ୍ପଗୁଡ଼ିକର ଜାତୀୟକରଣ କରିବା ପାଇଁ ସରକାର କୌଣସି ପଦକ୍ଷେପ ନ ନେବାରୁ କୃଷକ ଓ
ଶ୍ରମିକମାନେ ସରକାରଙ୍କ ବିରୋଧୀ ହୋଇଥିଲେ ।
୨. ପ୍ରତ୍ୟେକ ପ୍ରଶ୍ନର ଉତ୍ତର ୨୦ଗୋଟି ଶବ୍ଦ ମଧ୍ଯରେ ଲେଖ:
(କ) କାର୍ଲମାର୍ଚ୍ଚଙ୍କ ଦ୍ବାରା
ରଚିତ ଦୁଇଟି ସୁପ୍ରସିଦ୍ଧ ପୁସ୍ତକ କ’ଣ ଥିଲା ? ଉତ୍ତର: କାର୍ଲ ମାର୍ଚ୍ଚଙ୍କ ଦ୍ବାରା ରଚିତ
ଦୁଇଟି ସୁପ୍ରସିଦ୍ଧ ପୁସ୍ତକ ଥିଲା “କମ୍ୟୁନିଷ୍ଟ ମାନିଫେଷ୍ଟୋ” ଏବଂ “ଦାସ୍ କ୍ୟାପିଟାଲ୍” ।
(ଖ) ରୁଷ୍ ବିପ୍ଳବ ପୂର୍ବରୁ
ଅସନ୍ତୁଷ୍ଟ ଶ୍ରମିକମାନଙ୍କ ଦ୍ବାରା ଓ ଭୂମିହୀନ କୃଷକମାନଙ୍କ ଦ୍ୱାରା ଯଥାକ୍ରମେ କେଉଁ ଦୁଇଟି
ଦଳ ଗଠନ କରାଯାଇଥିଲା ? ଉତ୍ତର: ଅସନ୍ତୁଷ୍ଟ ଶ୍ରମିକମାନଙ୍କ
ଦ୍ବାରା ୧୮୯୫ ମସିହାରେ “ସାମାଜିକ ଗଣତାନ୍ତ୍ରିକ ଦଳ” ଓ ଭୂମିହୀନ କୃଷକମାନଙ୍କ ଦ୍ୱାରା ୧୯୦୧
ମସିହାରେ “ସାମାଜିକ ବିପ୍ଳବୀ ଦଳ” ଗଠନ କରାଯାଇଥିଲା ।
(ଗ) ୧୯୦୩ ମସିହାରେ ରୁଷିଆରେ
କେଉଁ ଦୁଇଟି ଦଳ ସୃଷ୍ଟି ହୋଇଥିଲା ? ଉତ୍ତର: ୧୯୦୩ ମସିହାରେ ସାମାଜିକ
ଗଣତାନ୍ତ୍ରିକ ଦଳ ଦୁଇଭାଗ ହୋଇ ‘ମେନ୍ସେଭିକ୍ ଦଳ’ ଓ ‘ବୋଲ୍ସେଭିକ୍ ଦଳ’ ନାମରେ ଦୁଇଟି ଦଳ
ସୃଷ୍ଟି ହୋଇଥିଲା ।
(ଘ) ପ୍ରଥମ ବିଶ୍ଵଯୁଦ୍ଧ ଆରମ୍ଭ
ହେବା ପୂର୍ବରୁ କେଉଁ ଦୁଇଟି ଯୁଦ୍ଧରେ ରୁଷିଆର ପରାଜୟ ଦେଶର ସମ୍ମାନକୁ କ୍ଷୁଣ୍ଣ କରି ଜାର୍
ଶାସନର ଦୁର୍ବଳତା ପ୍ରମାଣ କରିଥିଲା ? ଉତ୍ତର: ୧୮୫୪ ମସିହାର କ୍ରିମିଆ ଯୁଦ୍ଧ
ଏବଂ ୧୯୦୪ ମସିହାର ରୁଷ୍-ଜାପାନ୍ ଯୁଦ୍ଧରେ ପରାଜୟ ଦେଶର ସମ୍ମାନକୁ କ୍ଷୁଣ୍ଣ କରିଥିଲା ।
(ଙ) ୧୯୦୫ ମସିହା ଜାନୁଆରୀ ୨୨
ତାରିଖରେ ବିକ୍ଷୋଭକାରୀମାନେ କାହା ନେତୃତ୍ୱରେ ଏବଂ କେଉଁ ସ୍ଥାନରେ ଜାର୍ଙ୍କୁ ଏକ ଦାବିପତ୍ର
ଦେବା ପାଇଁ ଶୋଭାଯାତ୍ରାରେ ଯାଉଥିଲେ ? ଉତ୍ତର: ଧର୍ମଯାଜକ ଫାଦର ଗ୍ୟାପନ୍ଙ୍କ
ନେତୃତ୍ୱରେ ବିକ୍ଷୋଭକାରୀମାନେ ସେଣ୍ଟ ପିଟରସ୍ବର୍ଗସ୍ଥିତ ଜାର୍ଙ୍କ ଶୀତକାଳୀନ ପ୍ରାସାଦ ଅଭିମୁଖେ
ଶୋଭାଯାତ୍ରାରେ ଯାଉଥିଲେ ।
(ଚ୍) ୧୯୧୭ ବିପ୍ଳବ ସମୟରେ
ରୁଷିଆରେ ଜାର୍ କିଏ ଥିଲେ ଏବଂ ତାଙ୍କ ରାଜବଂଶର ନାମ କ’ଣ ଥିଲା ? ଉତ୍ତର: ୧୯୧୭ ବିପ୍ଳବ ସମୟରେ ରୁଷିଆର ଜାର୍ ଦ୍ବିତୀୟ ନିକୋଲାସ୍ ଥିଲେ ଏବଂ ତାଙ୍କ ରାଜବଂଶର ନାମ
ଥିଲା ରୋମାନୋଭ ରାଜବଂଶ ।
(ଛ) ୧୯୧୭ ନଭେମ୍ବର ୭ ତାରିଖ
ସଂଧ୍ୟାରେ ଲେନିନ୍ କ’ଣ ଘୋଷଣା କରିଥିଲେ ? ଉତ୍ତର: ୧୯୧୭ ନଭେମ୍ବର ୭ ତାରିଖ
ସଂଧ୍ୟାରେ ଲେନିନ୍ ଘୋଷଣା କରିଥିଲେ ଯେ ରୁଷିଆରେ ସୋଭିଏତ୍ ସାଧାରଣତନ୍ତ୍ର ସ୍ଥାପିତ ହେଲା ଓ
ସାମ୍ୟବାଦ ପ୍ରତିଷ୍ଠା ହେବ ।
(ଜ) ୧୯୧୭ ନଭେମ୍ବର ୭ ତାରିଖରେ
କେଉଁ ଠାରେ ଏବଂ କାହାଦ୍ଵାରା ଲେନିନ୍ ତାଙ୍କର ତିନିଗୋଟି ଆଦେଶନାମା ଅନୁମୋଦିତ କରାଇନେଇଥିଲେ ? ଉତ୍ତର: ପେଟ୍ରୋଗ୍ରାଡ଼ଠାରେ ନିଖିଳ ରୁଷିଆ ସୋଭିଏତ୍ କଂଗ୍ରେସ୍ର ସଦସ୍ୟମାନଙ୍କ ଦ୍ଵାରା ଲେନିନ୍
ତାଙ୍କର ତିନିଗୋଟି ଆଦେଶନାମା ଅନୁମୋଦିତ କରାଇଥିଲେ ।
(ଝ) ୧୯୧୭ ଅକ୍ଟୋବର ବିପ୍ଳବ ପରେ
ରୁଷିଆର ନୂତନ ସରକାରରେ କିଏ ପ୍ରଧାନମନ୍ତ୍ରୀ ଓ କିଏ ବୈଦେଶିକ ମନ୍ତ୍ରୀ ହୋଇଥିଲେ ? ଉତ୍ତର: ରୁଷିଆର ନୂତନ ସରକାରରେ ଲେନିନ୍ ପ୍ରଧାନମନ୍ତ୍ରୀ ଏବଂ ଟ୍ରଟ୍ସ୍କି ବୈଦେଶିକ ବ୍ୟାପାର
ମନ୍ତ୍ରୀ ହୋଇଥିଲେ ।
(ଞ) ୧୯୧୮ ମସିହା ସମ୍ବିଧାନରେ
ଏବଂ ୧୯୨୪ ମସିହା ସମ୍ବିଧାନରେ ଯଥାକ୍ରମେ ରୁଷିଆକୁ କେଉଁ କେଉଁ ନାମରେ ନାମିତ କରାଯାଇଥିଲା ? ଉତ୍ତର: ୧୯୧୮ ରେ “ରୁଷୀୟ ସୋସିଆଲିଷ୍ଟ ଫେଡ଼େରେଟିଭ ସୋଭିଏତ୍ ରିପବ୍ଲିକ୍” ଏବଂ ୧୯୨୪ ରେ
“ୟୁନିଅନ୍ ଅଫ୍ ସୋଭିଏତ୍ ସୋସିଆଲିଷ୍ଟ ରିପବ୍ଲିକ୍ସ୍” ନାମରେ ନାମିତ କରାଯାଇଥିଲା ।
୩. ପ୍ରତ୍ୟେକ ପ୍ରଶ୍ନର ଉତ୍ତର ଗୋଟିଏ ବାକ୍ୟରେ ଲେଖ:
(କ) କେଉଁ ମସିହାରେ ଦ୍ଵିତୀୟ
ନିକୋଲାସ ରୁଷିଆର ଜାର୍ ହେଲେ ? ଉତ୍ତର: ୧୮୯୪ ମସିହାରେ ଦ୍ବିତୀୟ
ନିକୋଲାସ ରୁଷିଆର ଜାର୍ ହେଲେ ।
(ଖ) ରୁଷ୍ ବିପ୍ଳବ ପୂର୍ବରୁ
ଦରିଦ୍ର କୃଷକ ଓ ଶ୍ରମିକମାନେ କେଉଁ ନିଶାକାରୀ ଦ୍ରବ୍ୟ ପ୍ରତି ଆସକ୍ତ ଥିଲେ ? ଉତ୍ତର: ରୁଷ୍ ବିପ୍ଳବ ପୂର୍ବରୁ ଦରିଦ୍ର କୃଷକ ଓ ଶ୍ରମିକମାନେ ‘ଭୋଦ୍କା’ ନାମକ ଏକ ଦେଶୀୟ
ନିଶାକାରୀ ପାନୀୟ ପ୍ରତି ଆସକ୍ତ ଥିଲେ ।
(ଗ) କାର୍ଲମାର୍ଚ୍ଚଙ୍କ “
କମ୍ୟୁନିଷ୍ଟ ମାନିଫେଷ୍ଟୋ” କେବେ ପ୍ରକାଶିତ ହୋଇଥିଲା ? ଉତ୍ତର: କାର୍ଲମାର୍ଚ୍ଚ ଓ ଏଞ୍ଜେଲ୍ସଙ୍କ ଦ୍ବାରା “କମ୍ୟୁନିଷ୍ଟ ମାନିଫେଷ୍ଟୋ” ୧୮୪୮ ମସିହାରେ
ପ୍ରକାଶିତ ହୋଇଥିଲା ।
(ଘ) ରୁଷିଆରେ ‘ ଅକ୍ଟୋବର
ଇସ୍ତାହାର’ କେବେ ଘୋଷଣା କରାଯାଇଥିଲା ? ଉତ୍ତର: ରୁଷିଆରେ ‘ଅକ୍ଟୋବର ଇସ୍ତାହାର’
୧୯୦୫ ମସିହା ଅକ୍ଟୋବର ୩୦ ତାରିଖରେ ଘୋଷଣା କରାଯାଇଥିଲା ।
(ଙ) ରୁଷ୍ ବିପ୍ଳବ ସମୟରେ
ରୁଷିଆର ଜାରିନା କିଏ ଥିଲେ ? ଉତ୍ତର: ରୁଷ୍ ବିପ୍ଳବ ସମୟରେ ରୁଷିଆର
ଜାରିନା ଦ୍ଵିତୀୟ ନିକୋଲାସ୍ଙ୍କ ପତ୍ନୀ ଆଲେକ୍ଜାଣ୍ଡ୍ରା ଥିଲେ ।
(ଚ) ରାସ୍ପୁଟିନ୍ଙ୍କ ପ୍ରକୃତ
ନାମ କ’ଣ ଥିଲା ? ଉତ୍ତର: ରାସ୍ପୁଟିନ୍ଙ୍କ ପ୍ରକୃତ ନାମ
ଗ୍ରୀଗୋର ଏଫିମୋଭିଚ ଥିଲା ।
(ଛ) ରୁଷିଆର କେଉଁ ବିପ୍ଳବକୁ “
ବୋଲ୍ସେଭିକ୍ ବିପ୍ଳବ” କୁହାଯାଏ ? ଉତ୍ତର: ରୁଷିଆର ଅକ୍ଟୋବର ବିପ୍ଳବକୁ ବା
ନଭେମ୍ବର ବିପ୍ଳବକୁ “ବୋଲ୍ସେଭିକ୍ ବିପ୍ଳବ” କୁହାଯାଏ ।
(ଜ) ରୁଷିଆରେ କାମଚଳା ସରକାରଙ୍କ
ବିଫଳତା ପରେ କିଏ ପ୍ରଧାନମନ୍ତ୍ରୀ ହୋଇଥିଲେ ? ଉତ୍ତର: ରୁଷିଆରେ କାମଚଳା ସରକାରଙ୍କ
ବିଫଳତା ପରେ କେରେନ୍ସ୍କି ପ୍ରଧାନମନ୍ତ୍ରୀ ହୋଇଥିଲେ ।
(ଝ) ରୁଷିଆରେ ଜାର୍ଙ୍କ
ଶୀତକାଳୀନ ପ୍ରାସାଦ କେଉଁଠାରେ ଅବସ୍ଥିତ ଥିଲା ? ଉତ୍ତର: ରୁଷିଆରେ ଜାର୍ଙ୍କ ଶୀତକାଳୀନ
ପ୍ରାସାଦ ସେଣ୍ଟ ପିଟରସ୍ବର୍ଗଠାରେ ଅବସ୍ଥିତ ଥିଲା ।
(ଞ) ରୁଷ୍ ବିପ୍ଳବ ପରେ କାହାକୁ
“ରୁଷୀୟ କମ୍ୟୁନିଷ୍ଟ ଦଳ” ଭାବେ ନାମିତ କରାଗଲା ? ଉତ୍ତର: ରୁଷ୍ ବିପ୍ଳବ ପରେ ‘ବୋଲ୍ସେଭିକ୍’
ଦଳକୁ “ରୁଷୀୟ କମ୍ୟୁନିଷ୍ଟ ଦଳ (ବୋଲ୍ସେଭିକ୍)” ଭାବେ ନାମିତ କରାଗଲା ।
୪ . ପ୍ରତ୍ୟେକ ପ୍ରଶ୍ନରେ ଦିଆଯାଇଥୁବା ଋରିଗୋଟି ବିକଳ୍ପ ମଧ୍ୟରୁ ଠିକ୍ ଉତ୍ତରଟି ସଙ୍ଗେ
ତା’ର କ୍ରମିକ ନମ୍ବର ବାଛି ଲେଖ ।
(କ) କିଏ ରୁଷିଆରେ କୃଷିଭୃତ୍ୟ
ପ୍ରଥା ଉଚ୍ଛେଦ କରିଥିଲେ ? ଉତ୍ତର: (ii) ଦ୍ଵିତୀୟ ଆଲେକ୍ଜାଣ୍ଡାର
(ଖ) ରୁଷିଆର ସର୍ବହରାମାନଙ୍କୁ
କ’ଣ କୁହାଯାଉଥିଲା ? ଉତ୍ତର: (iv) ପ୍ରୋଲେତାରିଏତ୍
(ଗ) ରୁଷ୍ବିପ୍ଳବ ସମୟରେ ଲେନିନ୍
କେଉଁ ଦଳର ନେତୃତ୍ୱ ନେଇଥିଲେ ? ଉତ୍ତର: (iv) ବୋଲ୍ସେଭିକ୍ସ୍
(ଘ) କେଉଁ ଦିବସଟି ରୁଷ
ଇତିହାସରେ “ରକ୍ତାକ୍ତ ରବିବାର” ଭାବେ ନାମିତ ? ଉତ୍ତର: (i) ୧୯୦୫ ଜାନୁଆରୀ ୨୨
(ଙ) ଦ୍ଵିତୀୟ ନିକୋଲାସ୍ଙ୍କ
ପ୍ରଥମ ଡୁମା କେବେ ଉଦ୍ଘାଟିତ ହୋଇଥିଲା ? ଉତ୍ତର: (iii) ୧୯୦୬ ମେ
(ଚ) ଜାର୍ ଦ୍ଵିତୀୟ ନିକୋଲାସ୍
କେଉଁ ଦିନ ରାଜଗାଦି ତ୍ୟାଗ କଲେ ? ଉତ୍ତର: (iv) ୧୯୧୭ ମାର୍ଚ୍ଚ ୧୫
(ଛ) ୧୯୧୭ ଫେବ୍ରୁଆରୀ ବିପ୍ଳବ
ପରେ ପ୍ରତିଷ୍ଠିତ କାମଚଳା ସରକାରର ମୁଖ୍ୟ କିଏ ଥିଲେ ? ଉତ୍ତର: (iii) ଲୋଭୋଭ୍
(ଜ) ରୁଷ୍ ବିପ୍ଳବପରେ କେଉଁ
ଅନୁଷ୍ଠାନ ରୁଷ୍ ଦେଶର ସଂସଦ ଭାବେ କାର୍ଯ୍ୟ କଲା ? ଉତ୍ତର: (iii) ସର୍ବ–ରୁଷୀୟ ସୋଭିଏତ୍ କଂଗ୍ରେସ
(ଝ) କେବେଠାରୁ ରୁଷିଆକୁ
“ୟୁନିୟନ୍ ଅଫ୍ ସୋଭିଏଟ୍ ସୋସିଆଲିଷ୍ଟ ରିପବ୍ଲିକ୍ସ୍” କୁହାଗଲା ? ଉତ୍ତର: (iii) ୧୯୨୪
(ଞ) ପ୍ରଥମ ବିଶ୍ୱଯୁଦ୍ଧରୁ
ଓହରିବା ପରେ ଜର୍ମାନୀ ସହିତ ରୁଷିଆ କେବେ ବ୍ରେଷ୍ଟ–ଲିତୋଭ୍ୟସ୍କ ସନ୍ଧି ସ୍ୱାକ୍ଷର କରିଥିଲା ? ଉତ୍ତର: (iv) ୧୯୧୮ ମାର୍ଚ୍ଚ ୩